I don write and cancel this essay so many times, that I don tire
When it comes to writing, I dey flow but this Oga Austin own, I no just know wetin dey happen
Oga Austin is doing birthday today and the silence is defeaning
Him person, Nelson call me that I should send quote for him birthday, I ask, is there party?
He say he no sure. You know say this Nelson no too like me, so I no trust this him response
So I wait tire, I never hear anything
May be true true Dr wey brilliant too much no one do anything this year cos last year he scatter ground o
Come and see wetin he drop for Civic Centre last year, be like something for Las Vegas
You know say him na showman, come and see wetin he wear and wetin him madam wear – that one na everyday she dey fine
Even Patorankin drop the roof and the party was now labelled the best ever by Hollywood press
May be na say I wear skirt go that day na him wan make them no invite me this year o
Cos as I wear the skirt, people forget Austin Monkey coat come dey take picture of my skirt wey Mudi sew for me
Austin come vex, come say make dem no give me food. But me, wey be correct Shomolu man, I wangle my way collect puff puff
May be na why dem no want involve me this year, come dey do secret party
Me, wey I don bribe Tayo and Tayo go release information quick quick
Every where just silence, all him inner circle no gree talk – Rufai just quiet, that Warri Comedian no talk na only that mumu Fada remain and me no fit ask am as he don shit for church
Anyways, me don ready for Austin today. I go land that him wonderful house for Ikoyi by 6 am, use my Mini block the gate, cut off electricity to the house and move in.
Nobody go do party for my back – na wetin- nobody go do that kind party for my back
Austin birthdays suppose be national event cos na for there I dey see better snail chop even though dem no dey serve afang but the sweetness of the snail is ok
Dr Ebose na my only friend wey brilliant. The man too get sense and he wise
Na him dey win all argument for our circle. When he talk even Rufai dey silence
But Austin na good man. Him kindness plenty and na fine man wey sabi dress
I go delay my hailings and prayers until I locate the party and make sure say dem never side line me
Till then, make I just say – how you dey bro
He go want beat me now o
Duke of Shomolu
Last modified: August 10, 2026
